“Чингис хаан” одонт Морин хуур найрлын “Монгол хөгжим” цуврал тоглолт 2025 оны зургаадугаар сарын 28-ны 18:00 цагт Улсын Филармонийн концертын танхимд тоглоно.
“Монгол хөгжим” тоглолт нь Монголын үе үеийн хөгжмийн зохиолчдын зохиол бүтээлүүдийг цувралаар хүргэдэг ба энэ удаад Хөдөлмөрийн баатар, Төрийн хошой шагналт, Ардын жүжигчин, хөгжмийн зохиолч Н.Жанцанноров хийгээд орчин цагийн мэргэжлийн хөгжмийн урлагийн төлөөлөгчид болох Урлагийн гавьяат зүтгэлтэн Ш.Өлзийбаяр, Соёлын тэргүүний ажилтан Х.Алтангэрэл, Цэн.Эрдэнэбат, Э.Доржсүрэн нарын найрал хөгжимд зориулсан концертын бүтээлүүд эгшиглэнэ.
Тоглолтод: Морин хуурын чуулгын найрал хөгжим, удирдаач Д.Түвшинсайхан оролцох ажээ.
