Нийслэлийн Засаг дарга бөгөөд Улаанбаатар хотын захирагчийн ивээл дор зохион байгуулж буй “Улаанбаатар биенналь 2025” олон талт соёл, урлагийн нэгдсэн үйл ажиллагааг зохион байгуулж буй.
Эл арга хэмжээнд нийт дэлхийн 29 орны 300 орчим гадаад оролцогчид, 22 багц үйл ажиллагааг 06 сарын 06-20-ний өдрүүдэд буюу 15 хоногийн турш хүргэх юм.
“Улаанбаатар биенналь 2025”-ын хүрээнд медиа арт чиглэлийн арга хэмжээ болох “Хөх нар” орчин үеийн урлагийн төв, Азийн соёлын “ODASIS” хөтөлбөрийн тоглолт 06 дугаар сарын 18-нд УДЭТ-т боллоо. Энэхүү арга хэмжээнд залуу үеийн уран бүтээлчид болон оюутнууд дөрвөн багт багт хуваагдаж тоглолт толилуулсан юм.
Тус хөтөлбөр нь Монголын уламжлалт бүжиг, хөгжим, медиа урлагийн хослол, шинэ төрлийн тайзны урлагийг бий болгох, олон улсын соёлын солилцооны оролцоог дэмжих зорилготой.
