“Хонхны дуу биднийг сэрээ” гэж 1990 оны өвлийн хүйтэнд ардчилсан хувьсгалыг өрнүүлэн талбай дээр жагссан мянга мянган хүмүүсийн аманд аялагдах энэ дууг Хонх хамтлагийн дуучин С.Цогтсайхан зохиосон билээ.
Өнгөрсөн баасан гараг /2025.06.20/-т Монголын ардчилсан хувьсгалын анхдагч С.Цогтсайхан агсны 65 насны босго дээр түүний нэрээр марк гаргаж, гүйлгээнд нэвтрүүллээ.
Марк нь социализмын хана хэрмийг дуу хөгжмөөр цөм цохиж ардчилсан нийгмийг авчирсан гэдэг утгатай. Цөмөрсөн ханын цаана төрийн далбаа намирч, шонхор шувуу нисэж буй нь үндэсний үзэл, өв соёл сэргэж байгаа гэх санаа. Ханан дээр үйл явдал, өөрийнх нь хөрөг, Хонх хамтлаг дуулж буйг усан будгаар буулгасан аж.
