Чойжин ламын сүм музей нь соёлын бүтээлч үйлдвэрлэлийг хөгжүүлэх, урлагийн боловсролыг нийтэд түгээх, музейн үйлчилгээг сонирхолтой хэлбэрээр олон нийтэд хүргэх зорилгоор 2011 оноос эхлэн жил бүр “Үдшийн музей” үйл ажиллагааг зохион байгуулж ирсэн.
Үндэсний урлагийн их театрын гоцлол хөгжимчин, “Мөнгөн мод” наадмын 2023 оны шилдэг хөгжимчин, 2024 оны шилдэг цомог шагналын эзэн, ятгач Г.Солонгын монгол ятгын гайхамшгийг ардын хөгжмийн уянгат аялгуу, орчин үеийн электро, поп дуу хөгжмийн хэмнэлтэй хослуулсан яруу тансаг “Үдшийн музейд ятгач Г.Солонго” тоглолтонд урьж байна. Тоглолт ирэх долдугаар сарын 2-нд 19.00 цагаас болно.
“Үдшийн музейд ятгач Г.Солонго” тоглолтоос авах таны мэдрэмж
- Чойжин ламын сүм музей – Дурсгалт уран барилга, Өндөр Гэгээн Занабазарын мутрын болон сургууль хийц тэргүүтэй бүтээлүүдийг эх төрхөөр нь үзэж, урлахуй, шүтэхүй, гэгээрэхүйн гайхамшгийг мэдэрнэ.
- Уламжлал – Монгол ятгын аялгуу Монгол төрийн үндэсний хөгжмийн их найралтай хүчирхэг хөг аялгуу таны сэлгэл зүрхийг догдлуулна.
- Урлагийн нэгдэл – Ятгын хөг аялгуу Монгол ардын болон дэлхийн хөгжмийн хэмнэл бүжгийн уран яруу хөдөлгөөнөөр дамжин үлэмж тансаг мэдрэмжийг мэдрүүлнэ.
- Орчин үе – Орчин үеийн электро, амьд хөгжимтэй хослуулсан Монгол ятгын гайхамшигт аялгуу, зуны намуухан одтой тэнгэрийн дор таны сэтгэлийг сэргээж, тайвшралыг мэдрүүлэх зуны үдэш байх болно.
- Монголын үндэсний урлагийн авьяслаг уран бүтээлчид оролцоно.
“Үдшийн музейд ятгач Г.Солонго” тоглолтод оролцох уран бүтээлчид:
- Монгол төрийн үндэсний хөгжмийн Их найрал удирдаач Э.Мөнхбаяр
- ҮУИТ-ын Ц.Сэвжидын нэрэмжит бүжгийн чуулгын бүжигчид
- “Эрхэмсэг” бүжгийн хамтлаг
- Хөгжмийн зохиолч, төгөлдөр хуурч Б.Чинбат /МУГЗ/
- “Дэлхий” хамтлаг
- “Emotion” хамтлаг
- Уртын дуучин Б.Алтанжаргал
- Уртын дуучин Д.Үүрийнтуяа
- Дуучин Мачо
- Төгөлдөр хуурч Г.Сэлэнгэ
- “Ханбогд” амьд хөгжмийн хамтлаг
- Тоглолтын найруулагч ҮУИТ-ын Ц.Сэвжидын нэрэмжит бүжгийн чуулгын ерөнхий бүжиг дэглээч Х.Хашхүү
