Хонг Конг хотноо зохион байгуулагдсан 2025 оны Brahms international music competition буюу “Brahms” олон улсын хөгжмийн уралдааны Азийн шигшээ шатанд бяцхан хөгжимчин Г.Гансүлд гранпри буюу шилдгийн шилдэг шагналын эзэн болжээ.
Тэрбээр “Children B” насны ангилалд өрсөлдөн, Францын алдарт хөгжмийн зохиолч Эдуар Лалогийн “Symphonie Espagnole”-ийн эхний хэсгийг толилуулсан байна.
“Brahms” олон улсын хөгжмийн уралдаан нь дэлхийн олон орны авьяаслаг хүүхэд, залуусын ур чадвар, хөгжмийн боловсролын түвшинг сорьдог нэр хүндтэй уралдаан аж.
