Стэнфордын их сургуулийн профессор Жефф Ханкотт анх 2022 онд ChatGPT нээлтээ хийсний дараа оюутнуудын судалгааны ажлыг шалгах үедээ тэдгээрийг их хэмжээний текст агуулсан боловч бодит үр дүнгүй, судалгааны ажилд үнэтэй нэмэр оруулсан зүйлгүй, нэгэн хэв маягтай, нуршсан байсныг анзаарчээ.
Энэхүү үзэгдлийг “workslop” гэж нэрлэдэг байна. Workslop гэдэг нь маш сайн гүйцэтгэсэн мэт харагдавч үнэндээ бодит үр дүнгүй, ойлгомжгүй агуулга бүхий хиймэл оюунаар боловсруулсан ажил юм.
Энэ нь та ямар нэгэн бичиг баримт эсвэл зурвас уншаад “үүнийг хүн бичсэн үү, эсвэл хиймэл оюунаар боловсруулсан уу” гэх эргэлзээ төрдөг феномен ажээ. Түүнчлэн workslop нь аливаа ажлын бүтээмжид сөргөөр нөлөөлдгийг Ханкотт онцоллоо.
“MIT Media Lab”-ийн судалгаанд дурдсанаар, 2023 оноос хойш ажлын байранд хиймэл оюун ашиглах нь 21 хувиас өсөж, 40 хувьд хүрчээ. Гэвч судалгаанд оролцсон нийт компаниудын 95 хувь нь технологийн хувьд үр дүнгүй байгааг дурдсан байна. Түүнчлэн үүнд workslop голлон нөлөөлж буйг шинжээчид онцоллоо.
Workslop ажлыг хүлээн авснаар нийт ажилтны 50 хувь нь хамтран ажиллаж буй хүнээ ажлын бүтээмжгүй, хангалттай мэргэжлийн чадваргүй, мөн найдваргүй гэж дүгнэдэг байна. Мөн судалгаанд оролцогчдын гуравны нэг нь уг сэтгэгдлээ шууд илэрхийлдэг бөгөөд хамтран ажиллах сонирхол буурдаг гэжээ.
Эх сурвалж: CNBC
