Реппер Ц.Мөнхбаяр буюу Seryoja нь анх 2006 оноос эхлэн АНУ-д суралцахын хажуугаар уран бүтээлээ туурвиж эхэлсэн байдаг. Тэрбээр анх “Чи нэг тийм” дуугаараа сонсогчдын сонорыг мялааж байв.
Үүний дараа дуучин Укатай хамтарч гаргасан “Мангар” дуу нь олонд ихээхэн таалагдсан бол хамгийн хандалт өндөртэй дуу нь “Адармаа”. Өдгөө түүнийг “хүүхнүүдийн краш” дуучин гэдгээр нь олон нийт илүүтэй танина. Түүний анхны бие даасан тоглолт 2022 оны арваннэгдүгээр сарын 4-ний өдөр болж байв.
Реппер Seryoja бүрэн хэмжээний хоёр дахь тоглолтоо “US” нэртэйгээр арваннэгдүгээр сарын 1-нд “AIC Steppe Arena”-д хийх гэж байна.
Энэ удаагийн тоглолтод Seryoja өөрийн бүх хит дуунуудаа өвөрмөц найруулга, амьд хөгжимтэйгээр хүргэхийн зэрэгцээ, анх удаа дуулагдах шинэ бүтээлүүдээ үзэгчдэд сонсгох аж.
Дуу хоолой, амьд хөгжим, гэрэл, дүрслэл, тайзны шийдлээр бүрэн хосолсон онцгой мэдрэмж өгөх тоглолтыг “Ocean Gre”y продакшны зүгээс зориулж байна.
Тасалбарыг Portal.mn-ээс авах боломжтой.
