“Амьдрал чамд жүрж өгөхөд” буюу “When Life Gives You Tangerines” киногоороо олны хайрыг татсан жүжигчин Пак Бо Гум 2025 оны “MAMA” хөгжмийн шагнал гардуулах ёслолын эхний өдрийг хөтлөх болжээ. Энэ жилийн “MAMA Awards” арваннэгдүгээр сарын 28, 29-ний өдрүүдэд зохион байгуулагдана.
“MAMA” хөгжмийн шагнал гардуулах ёслол 26 дахь жилдээ зохион байгуулагдаж байна. Энэ жилийн наадмын сэдэв нь солонго хэлний “uh-heung” буюу хөгжилтэй, сэтгэл хөдөлгөм гэсэн утгатай үг байх юм. Тодруулбал, дэлхий дахины хүмүүстэй эерэг уур амьсгалыг хуваалцах гэсэн цаад санааг түгээж байгаа ажээ.
Пак Бо Гум 2017, 2018, 2019, 2022, 2023, 2024 онуудад “MAMA” наадмыг хөтөлж байсан туршлагатай. Жил өнгөрөх бүр тэрбээр энэ наадмын нэгэн чухал хэсэг болсон юм.
Тус арга хэмжээ Хонгконгод нээгдээд удаагүй 50 мянган хүний багтаамжтай “Kai Tak” цэнгэлдэх хүрээлэнд болох аж. Хонгконг нь 2012-2018 онд наадмыг зохион байгуулж байсан туршлагатай.
