Америкийн рэппер Канье Уэст, түүний сүйт бүсгүй бөгөөд хүүхдийнх нь ээж Ким Кардашьян нарын Парис хотод хийх хуримын ёслол хүртэл нэг сар хүрэхгүй хугацаа үлдсэн ч энэ нь тэдний хийхээр төлөвлөсөн цорын ганц хуримын ёслол биш гэнэ. Хосууд гурав гэдэг нь азын тоо хэмээн итгэж байгаа аж.
Тэд хуримын ёслолоо Францад хоёр удаа хийгээд Өмнөд Калифорнид очиж бас нэг удаа хуримлана. Тэдний өмгөөлөгч гэрлэлтийг нь хууль бус гэж шүүмжлэх хүмүүсээс дайжихын тулд Америкт багавтар ёслол үйлдэхийг зөвлөжээ.
“АНУ өөр улсад гэрлэлтээ батлуулсан иргэдийнхээ гэрлэлтийг хүлээн зөвшөөрдөг ч бичиг цаасны ажил их шаарддаг. Тиймээс эх орондоо очоод гэрлэх ёслолоо давтах нь амар болов уу. Ким, Канье нар өмгөөлөгчийнхөө зөвлөгөөг хүлээж авсан бөгөөд Өмнөд Калифорнид бичил хуримын ёслол зохион байгуулна” хэмээн эх сурвалж өгүүлэв.
Эх сурвалж www.wikimon.mn