Монголын орчин цагийн хөгжмийн урлагт шинэ дуу хоолой, өнгө төрх болох “Асур” хамтлаг нь өнгөрсөн оны 8 дугаар сард үүсгэн байгуулагджээ. Дуулах хүсэл, мөрөөдөлтэй залуусыг “Нэгүн” студи нэгтгэж, хөгжмийн зохиолч, төгөлдөр хуурч Б.Одбаяр буюу Оки ерөнхий продюсерээр нь ажиллаж байна.
Бүрэлдэхүүний хувьд, гурвуулаа бөгөөд нэг эрэгтэй, хоёр эмэгтэй гишүүнээс бүрдэх аж. Тэд Хөгжим Бүжгийн Коллежид хөгжмийн мэргэжлээр суралцдаг бөгөөд дууны урлаг, дуулах ур зүйд ч суралцаж, бэлтгэгдэж яваа залуу уран бүтээлчид билээ. Тэрбээр энэ өдрүүдэд, “Асур” хамтлагийнхан анхны уран бүтээл “Another” дууны клипийг цацлаа. Энэхүү дууны үг, аяыг продюсер Оки зохиож, хөгжмийн тохируулгын ажлыг Дани улсын “Platinium audio” студийн “Holger Lagerfeldt” хэмээх уран бүтээлчээр мэргэжлийн түвшинд бүтээлгэжээ. Харин клипийг “Quad Animation” студийнхэн хийж гүйцэтгэж байгаа бол “Ariana Impression Trainer” студийнхэн хувцаслалт, дүр төрхийг нь тодорхойлж, хамтлагийн бүжиг дэглэлтийг “Aimаr” бүжгийн продакшн хариуцаж байгаа гэнэ. Тус дууны клипийг үзэгчддээ хүргэж байна.
www.URLAG.mn
