Монгол Улсын Засгийн газраас Орхон, Булган аймгийн нутагт ашигт малтмал хайх эрхийг “Эрдэнэт үйлдвэр” ТӨҮГ-т олгож, 2023 оноос Оюутын ордын хайгуулыг эхлүүлсэн.
Тус ордын хүдрийн нөөцийг 357 сая тонн, цэвэр зэсийн хэмжээ 1.1 сая гаруй тонн гэж тогтоогоод байгаа юм. Хайгуулын урьдчилсан үр дүнгээр зэсийн агууламж 0.32 хувьтай гэж тогтоогоод буй.
1972 онд Эрдэнэтийн овоо ордыг 521.7 сая тонн хүдэр байна хэмээн тогтоож 34 жил ашиглахаар төлөвлөж байсан. Шинээр нээсэн Оюутын ордыг энэ жишигтэй харьцуулахад даруй 30 жил ашиглах нөөц юм гэж уг ордын төслийн багийнхан онцолж буй юм.
Тэгвэл Оюутын ордын геологи, хайгуулын ажил эхлүүлсэн энэ 3 жилтэй холбоотойгоор 2024 онд хайгуулын талбайд 10 хиргисүүр байна гэдгийг олж тогтоож, соёлын өвийн хууль тогтоомжийн дагуу МУИС-ийн нүүдэлчдийн архелогийн хүрээлэнтэй Эрдэнэт үйлдвэрийн малтлагын үеийн ажлын хэсгийн археологчид хамтран судалж, энэ оны 10 дугаар сард тайлангаа гаргаж дуусжээ.
Нийтдээ 10 булш малтсан бөгөөд хүрлийн үед холбогдох 4 булш, цаг үе нь тодорхойгүй 4 булш, дундад зууны үеийн 2 булшийг малтаж судалсан байна.
Нийт 1032 га талбайд байсан Оюутын ордын ухмалд судалгаа малтлага хийжээ.
Олдворуудын хувьд хүрлийн үеийн дурсгал 8-13 дугаар зуунд хамаарагдах булшууд байсан бөгөөд маш сайн хадгалагдсан төдийгүй булшны эзний эд хэрэглэгдэхүүний зүйлс, малын яс, эсгий эдлэл, толь зэрэг гарч иржээ.
