Археологичид грекийн 2500 орчим жилийн настай боржин чулуун баримлыг эртний Вульчийн нутаг дэвсгэрээс олжээ. Археологичдын хэлснээр шинэ олдвор нь эртний Этруссийн грекийн хотуудтай хийж байсан худалдааны талаарх төсөөллийг илүү тодотгож өгчээ. Вульчи нь этруссийн соёлын томоохон төв байсан гэдгээр археологичдын анхаарлыг татсаар ирсэн. Гэхдээ грек гаралтай олдвор зөвхөн импортын таваар төдийгөөр хязгаарлагдаж байв.
Шинэ баримлыг шинжлэн судлахад материал дээр хэрхэн ажилласан байдлаараа грекийн сонгодог уламжлалд хамрагдаж байгаа аж. Ийм олдвор грекийн хотоос биш өөр газраас олдсон нь бүс нутаг хоорондын харилцаа өндөр хөгжсөнийг илэрхийлж буй аж. Баримлыг нарийн судлах ажиллагаа үргэлжилж байна.
Тодруулахад, Этруссчууд нь МЭӨ 8-3 дугаар зуунд өнөөгийн Төв Итали (ялангуяа Тоскан, Лацио орчим)-д амьдарч байсан өндөр хөгжсөн, эртний соёл иргэншилтэй ард түмэн юм. Этруссийн хамгийн том, чухал хотуудын нэг Вульчи нь өнөөгийн Италийн Лацио мужид байжээ. Далайн боомт хот байсан учир грекийн эдлэл их олддог. Тансаг булш, үнэт олдвороороо алдартай энэ хотоос олдсон эд өлгийн зүйлс нь ихэвчлэн импортын бараа байдаг.
