Дуучин Мэрайя Кэри “Billboard Hot 100” жагсаалтыг нийт 100 долоо хоногийн турш тэргүүлж, түүхэн дээд амжилт тогтоолоо.
Энэ амжилтын дийлэнх хувийг түүний алдарт “All I Want for Christmas Is You” дуу бүрдүүлсэн бөгөөд уг дуу нь жагсаалтыг 21 долоо хоног дараалан тэргүүлжээ.
Түүнчлэн, Мэрайя Кэригийн бусад хит дуунууд тус чартад удаан хугацаанд ноёрхож байжээ. Тухайлбал, Boyz II Men хамтлагтай хамтран дуулсан “One Sweet Day” дуу нь 16 долоо хоног, харин “We Belong Together” дуу 14 долоо хоног “Billboard Hot 100”-гийн нэгдүгээрт бичигдэж байжээ.
Харин “All I Want for Christmas Is You” дуу ганцаараа “Billboard Hot 100” жагсаалтыг 78 долоо хоног тэргүүлсэн нь эмэгтэй уран бүтээлчдийн дунд дээд амжилт аж.
“Billboard Hot 100” чарт нь АНУ-д сонсогдож буй бүх төрлийн дуу хөгжмийг радио нэвтрүүлгийн давтамж, борлуулалт болон стримингийн нэгдсэн мэдээлэлд үндэслэн эрэмбэлдэг байна.
Ийнхүү өдгөө 56 настай Мэрайя Кэригийн дараа уг жагсаалтад Рианна (60 долоо хоног), The Beatles (59 долоо хоног), Дрейк (56 долоо хоног) нар бичигдэж байна.
Энэхүү амжилт нь Мэрайя Кэриг орчин үеийн поп хөгжмийн хамгийн нөлөө бүхий уран бүтээлчдийн нэг болохыг дахин баталж буй.
