Монгол Улсын бүжгийн спортын аварга шалгаруулах "Сарны цом-2014" тэмцээн "Буянт Ухаа" спорт цогцолборт амжилттай явагдаж өндөрлөлөө. Энэ удаагийн УАШТ-д Өмнөговь, Дорнод, Дархан, Улаанбаатарын 40 гаруй хамтлаг өрсөлдсөн бөгөөд олон улсын бүжгийн спортын дүрмийн дагуу балчир нас (долоон нас хүртэлх), бага нас (8-11 нас), өсвөр (12-15 нас), залуучууд (16-18), насанд хүрэгчид (19 дээш нас) таван насны ангиллаар стандарт, латин бүжгийн төрлөөр аваргаа шалгаруулсан юм.
Насанд хүрэгчдийн ангилал: Стандарт бүжгийн төрөл
1. "Хатан туул" хамтлаг
2. "Улаан сарнай" хамтлаг
3. "Мүүн" хамтлаг
Латин Америкийн төрөл
1. "Мүүн" хамтлаг
2. "Стар" хамтлаг
3. "Хатан туул" хамтлаг
тус тус шалгарсан байна.
Насанд хүрэгчдийн УАШТ-д эхний хоёр байрт шалгарсан хамтлаг 2014 оны дэлхийн аварга шалгаруулах тэмцээнд оролцох эрхтэй болсон юм. Стандарт бүжгийн ДАШТ 11 дүгээр сард Герман улсын Брауншвейг хотод, латин бүжгийн ДАШТ ОХУ-д зохиогдох юм байна.
Ч.Амартүвшин
