Зүрхэнд гэрэлтэх чиний орон зайг
Зүггүйхэн үр минь ч орлохгүйгээс хойш
Зөрүүхэн тавиланд гунигаа эгшээж
Замбуулинд Би чамайг санахгүй ээ
Миний гэх бүхэн чинийх байдаг болохоор
Мартаж чадахгүй дүрийг чинь нуух л гэж
Магадгүй бүр олон жил санах л гэж
Минийх л байдаг Чамайг би санахгүй ээ
Хайранд бадамлах чиний орон зайг
Хонгорхон үр минь ч орлохгүйгээс хойш
Хатуухан амьдралд сэтгэлээ хантайрлаж
Хорвоод Би чамайг санахгүй ээ
Миний гэх бүхэн чинийх байдаг болохоор
Мартаж чадахгүй дүрийг чинь нуух л гэж
Магадгүй бүр олон жил санах л гэж
Минийх л байдаг Чамайг би санахгүй ээ
Өөрийг минь эзэмдсэн чиний орон зайг
Өөдөсхөн үр минь ч орлохгүйгээс хойш
Өнгөт орчлонд бөгжөө оршуулж
Өрөөлийн нүдэнд Би чамайг санахгүй ээ
Миний гэх бүхэн чинийх байдаг болохоор
Мартаж чадахгүй дүрийг чинь нуух л гэж
Магадгүй бүр олон жил санах л гэж
Минийх л байдаг Чамайг би санахгүй ээ
Чамайг би санахгүй ээ
www.URLAG.mn
