“Самсунг Электроникс” компанийн ерөнхийлөгч И Жэ Ёны хүү Өмнөд Солонгосын тэнгисийн зэвсэгт хүчинд орчуулагч офицерын албан тушаал хашихаар болсныг Ням гарагт тус улсын армийн эх сурвалж мэдээлжээ.
И Жи Хогийн үүрэг нь гадаадын зэвсэгт хүчинтэй хамтарсан байлдааны сургуулилалтын үеэр командлагчдын хоорондын харилцаа холбоонд орчуулагчаар ажиллах юм байна.
Өнгөрсөн оны арваннэгдүгээр сард Сөүл хотоос зүүн өмнө зүгт 380 км зайтай оршдог Чанвон хотын Тэнгисийн цэргийн академид болсон ёслолын үеэр 89 шинэ офицер тангараг өргөсний нэг нь И Жи Хо байжээ.
Тэрбээр 2000 онд АНУ-д төрсөн бөгөөд хоёр улсын давхар иргэний харьяалалтай байсан юм. Гэвч Өмнөд Солонгосын иргэний үүргийн дагуу цэргийн алба хаахын тулд АНУ-ын харьяаллаас татгалзаж байжээ.
