БНСУ-ын Инчёон хотод энэ сарын 19-24-ний өдрүүдэд зохион байгуулсан Азийн “Future мusician” олон улсын уралдаанаас Борнуур сумын ЕБС-ийн “Болор эгшиг” морин хуурын хамтлаг, Зуунмод сумын “Эрчис” бүжгийн хамтлагийн хүүхдүүд хоёр гранпри, таван алтан медаль, нэг мөнгөн медаль хүртжээ.
Тодруулбал, үндэсний хөгжмийн гоцлол төрөлд Ч.Номинсондор, хамтлаг бүжгийн төрөлд “Эрчис” бүжгийн хамтлаг тус тус гранпри цом хүртжээ.
Харин тэргүүн байрт Б.Оргил Алтан, Э.Хүслэн, А.Эрдэнэсолонго, И.Мөнх-Уран, Л.Маргад нар шалгарч, Г.Нандин-Ивээл мөнгөн медаль хүртсэн байна.
Монгол, Солонгос, Хонконг, Хятадын 200 гаруй хүүхэд оролцсон уг уралдааныг төгөлдөр хуур, хийл, үлээвэр хөгжим, бүжиг, дуулаачийн төрөлд ганцаарчилсан, ансамбль гэсэн төрлүүдээр зохион байгуулжээ.
