Сөртийн хөшөө чулууд нь Ховд аймгийн Ховд сумын төвөөс баруун урагш зургаан километрийн зайд, далайн түвшнээс дээш 2048 метрийн өндөрт байрладаг. Тус дурсгалт газарт найман хөшөө чулуу бий.
Сөртийн хөшөө чулуудыг анх 1961 онд В.В.Волков, Ц.Доржсүрэн нар судалж, товч тайлбар хийжээ. Улмаар 1988 онд МЗТСХЭ-ийн Хангайн анги тус хөшөөг дахин судлан шинжилсэн байна.
Сөртийн хөшөө чулууд нь МЭӨ IV-VIII зууны үед холбогдоно. Тус хөшөөг саарал болон хар саарал өнгийн боржин чулуугаар хийжээ.
Хөшөөг баруун зүгээс зүүн тийш чиглэлтэй нэг шугамд зэрэгцүүлэн босгосон байна.
Хөшөө тус бүрийн гадна талд 1.5×1.5 метр хэмжээтэй дөрвөлжин чулуун хүрээ татсан бөгөөд түүний голд хөшөө чулууг газарт суулгасан байна.
Уг хөшөө нь нутгийн өвөрмөц содон тогтоц бүхий түүх, соёлын чухал дурсгалт газарт багтдаг.
