Жүжигчин Пунтик буюу Э.Пүрэвжаргал 1993 оны энэ өдөр буюу 2-р сарын 11-нд Дархан-Уул аймагт мэндэлжээ. Дээрээ ганц ахтай айлын бага охин тэрбээр 2014 онд “Зохиомж” дээд сургуулийг Төрийн соёрхолт, Ардын жүжигчин Ц.Төмөрбаатар, Гавьяат жүжигчин А.Цэгмид нарын удирдлагад жүжигчин мэргэжлээр дүүргэсэн байна.
Дэлгэцийн уран бүтээлийн гараагаа тэрбээр “Эглийн гайхамшиг” хэмээх арилжааны бус кинонд тоглож эхлүүлсэн бөгөөд үргэлжлүүлэн “Сүүлчийн шөнө”, “Админ Z”, “Харанхуй хад”, “Ороолон”, “Шинэ жил”, “Бумеранг”, “Орилоон”, “Үүлэн хээтэй орчлон”, “Киносутра”, “Богд хаан”, “Хөхөөний үүр”, “30 өдөр, 30 секс”, “Дархлаа”, “Хэлгүй жим”, “Мөрдөгч”, “Долдугаар тусгай тасаг”, “37-р точка”, “Бүтэн амьдрал”, “Хиртээгүй сарнай”, “Сүүдрээр гэтэгч”, “Залгамжлагч”, “Доктор”, “Самарчид”, “Дурсамж 2012”, “Нутгийн зүг”, “Ижийдээ очих намар”, “Z-zone”, “Намаг”, “Пагмадулам”, “Худаг”, “Хар өглөө”, “Кургаа дахь тоглогч” гэхчилэн бүрэн хэмжээний болон олон ангит уран сайхны киноны гол болон туслах дүрд тоглосон байна.
Үзэсгэлэнт жүжигчин бүсгүйд төрсөн өдрийн мэнд хүргэе.
