Монголын УДБЭТ европ “школа”-тай Азид байхгүй сайн театр гэдэг. Ардын жүжигчин Х.Уртнасан, Загдсүрэн гуайг төрүүлсэн энэ театрт Х.Жавзандулам, Ч.Мөнхшүр, А.Долгор гээд үе үеийн олон сайхан дуучны уран бүтээлээ туурвиж байсан газар. Одоо Б.Эрдэнэтуяа, Ө.Уянга, Ш.Наранчимэг, С.Мөнгөнцэцэг, Анхбаяр, Сайнбаяр, А.Энхтайван тэргүүтэй олон сайхан залуу дуучид мөр зэрэгцэн ажиллаж байгаа, үнэхээр шижигнэсэн залуус. Гадаадын аль ч улсад очоод дуулсан хэнд ч гологдохгүй сайн дуучидтай.
Харин сүүлийн үед удирдлагатай нь холбоотой элдэв яриа гарч байдаг ч уран бүтээлээ хийсээр, үйл ажиллагаа нь сайн байгаа. Харин саяхан ДБЭТ-ын захирлын сонгон шалгаруулалт явагдаж, одоо үүрэг гүйцэтгэгчээр ажиллаж байгаа Ч.Мөнхзул, МУГЖ У.Далантай, Г.Батхуяг гурав тунаж үлджээ.
Ч.Мөнхзул захирал муу сайн хэлүүлж ажилласаар яваа. МУГЖ У.Далантай ДБЭТ-ын нүүр царай болсон сайн дуучдын нэг. Харамсалтай нь өмнөх дарга бүсгүйтэй таараагүй гэсэн шалтгаанаар дуурийн театраас гарч, хэдэн жил чөлөөт уран бүтээлчээр ажилласан. Одоо ДБЭТ-ын захирлын төлөө өрсөлдөж, багагүй амжилттай явж байгаад баярлах хүн олон байна.
Эх сурвалж: tovchoo.mn
