Учир нь кино бүтээх их ажлын хажуугаар зохиолоо бичиж амжихгүй байгаа тул уншигчдаасаа уучлал эржээ. Хэсэг хугацаанд номноосоо хөндийрөөд байсан түүний хувьд тун удахгүй дахин зохиол бичих ажилдаа ханцуй шамлахаар төлөвлөөд байгаа бөгөөд Дондогдулам хатны тухай “Эх дагины өчил” хэмээх түүхэн романаа бичиж дуусгах юм байна. Дашрамд дурьдахад, “Улаан пальто” уран сайхны кинонд МУСТА О.Долгор гэр бүлээрээ оролцсон аж.
Түүний охин Ч.Энхномуун гол дүрийг бүтээсэн бол нөхөр Чинзориг нь найруулагчаар ажилласан гэнэ. Харин энэ тухай Б.Шүүдэрцэцэг “ Охины хувьд ч, нөхрийн хувьд ч үнэхээрээ авъяасаараа шалгарсан. Аль, алиныг нь би өөрөө сонгосон. О.Долгорын хувьд оюутан Минжмаагийн дүрд сонгогдсон байсан юм. Түүнээс биш найзан дундаа хийчихсэн хэрэг биш. Ч.Энхномуун долоохон настай хүүхэд гэхэд маш хариуцлагатай, мэдрэмжтэй ажилласан” гэжээ.
