Тоглолт бүр нь дандаа өвөрмөц сонин, гэнэтийн бэлэгтэй байдаг нэрт дуучин, жүжигчин Майли Сайрусыг нэгэн шүтэн бишрэгч нь элдэн хөөж, амар заяаг нь үзүүлдэггүй билээ. 24 настай Дэйвон Мик гэдэг тэр залуу дуучин бүсгүй өөрийн дуунуудаараа дамжуулж өөрт нь хандан, урин дууддаг гэж зүтгэдэг байна.
Мэдээж, энэ залуу сэтгэл мэдрэлийн өвчтэй нэгэн юм. Өдгөө 21 настай Сайрус бүсгүй Bangerz Tour нэртэй аялан тоглолтоо хийж байгаа. Хоёр долоо хоногийн өмнө энэ залуу Майлигийн гэрийн гаднаас саатуулагджээ. Тэрбээр “Намайг Майли энд хүлээж байгаа” хэмээн зүтгэсэн аж. Дэйвоныг сэтгэл мэдрэлийн эмнэлэгт хүргэсэн ч тэрбээр тэндээс гараад Майлитай заавал ч үгүй уулзана гэж ярьж байсан гэнэ. Эс тэгвэл тэр энэ хорвоог орхих болно гэж Мик сүрдүүлжээ. Нэрт дуучныг нойтон хамуу шиг гажигтай шүтэн бишрэгчээс нь ангижруулахын тулд түүний төлөөлөгчид шүүхэд ханджээ. Өдгөө шүүхийн шийдвэр ёсоор Мик гэдэг энэ залуу Сайрус бүсгүй, түүний орон гэр юм уу ажлын газар, тэр бүү хэл автомашинд нь 92 метрээс дотогш ойртож болохгүй юм. Мөн түүнд шүтээнтэйгээ биечлэн, бас элдэв захиа, зурвас бичих зэргээр харьцахыг хориглосон байна.
Эх сурвалж www.wikimon.mn
