Амьд хөгжмийн “Моханик” хамтлагийн шинэ цомгийн нээлт тавдугаар сарын 29-нд буюу өнөөдөр “Glamour” арт галерейд болох нь ээ. Нээлтийн үеэр “Моханик” хамтлагийнхан өөрсдийн фото цомог, видео зэрэг олон сонирхолтой зүйлсээ фэнүүддээ танилцуулахаас гадна “Моханик Амарбаясгалантад” нэртэй цомог хэрхэн бүтсэн талаар танилцуулан шинэ цомгоо худалдаанд гаргах юм байна.
Сонирхуулахад, тэд шинэ цомгоо Амарбаясгалант хийдэд байгаль дээр бичсэн юм. Мөн “Моханик” хамтлагийн фэнүүдэд дуулгахад, тэдний дөрөвдүгээр сарын 3-нд хийсэн “Wesupport:mohanik” тоглолтод ирсэн хүн бүр тавдугаар сарын 29-31-ны өдрүүдэд уг тасалбараараа “Амарбаясгалант” шинэ цомгийг 50 хувийн хөнгөлөлттэй үнээр буюу 10 мянган төгрөгөөр худалдан авах боломжтой болж байгаа юм.
www.URLAG.mn
