Монголын Залуучуудын Холбоо 2012 оноос “Спирт үү, Спорт уу” аяныг өрнүүлж Монгол орон даяар хүчтэй давалгааг бий болгосон. 2014 онд энэхүү аян “Архитай биш, тархитай” уриан дор үргэлжлэхээр болсон юм.
Их дээд сургуулиудын төгсөлтийн баяр болж байгаатай холбоотойгоор МЗХ оюутан залуустай И-д зарцуулах мөнгөө О-д зарцуулахыг уриалсан уриалга гаргалаа. Оюутан, залуучууд амьдралд ганц тохиолдох оюутан насны хамгийн том дурсамжтай мөч болох төгсөлтийн баяраа спиртгүйгээр, эрүүл, анги хамт олноороо амарч, зугаалж гадагшаа болон дотооддоо аялахыг хүсдэг болсон байна. Төгсөлтийн баярын мөнгөө өөрт болон хамт олондоо ашигтай зүйлд зарцуулахыг бүгд л хүсч байгаа болов уу. Тэгвэл МЗХ уриалгандаа сонирхолтой саналуудыг оруулж өгсөн бөгөөд МЗХ-ны дэргэдэх Аялал жуулчлалын корпораци гадаад болон дотоод аяллыг зохион байгуулах, Залуучуудын Хөдөлмөрийн Төв Бирж төгсөгчдийг ажлын байранд зуучилж өгөх, Боловсролын корпораци англи хэл хөнгөлттэй суралцах боломжийг олгож байгаа юм байна. Төгсөгчиддөө баяр хүргэе. И-д зарцуулах мөнгөө О-д зарцуулахыг дахин уриалья.
www.URLAG.mn
