“Unitel” групп Үндэсний архивын газартай хамтран “Монгол кино HD” төслийг хэрэгжүүлж буй. Энэ хүрээнд Монголын уран сайхны “Гарьд магнай”, “Цэц магнай”, “Тод магнай” киноны хөгжмийг дахин бичиж, үзэгчдэд хүргэхэд бэлэн болжээ.
Жил жилийн наадмаар монголчуудын хүртээл болдог монгол наадам, ёс заншил, монгол зан чанарын талаар өгүүлдэг эдгээр киноны хөгжмийг Төрийн хошой шагналт Н.Жанцанноров бичсэн юм. Харин дахин бичлэгийн хөгжмийг Улсын филармонийн “Морин хуур”-ын чуулга тоглож, удирдаачаар Ц.Батчулуун ажиллажээ. Ингээд та бүхэндээ эдгээр кинонуудын шинэ хөгжимтэй хувилбаруудыг хүргэж байна.
www.URLAG.mn