Монголын киночид өчигдөр Гачуурт дахь “Монгол шилтгээн” цогцолборт чуулан "Academy Аwards Мongolia 2014" наадмаа зохион байгуулж, шилдгүүдээ тодрууллаа.
Дөрөв дэх жилдээ болж буй энэхүү кино наадамд 18 номинацид уран сайхны кино, баримтат кино, богино хэмжээний бүтээлүүдийг өрсөлдүүлэн шилдгүүдийг тодрууллаа.
Наадамд 2013 оны нэгдүгээр сарын 1-нээс 2014 оны зургуудагаар сарын 8-ны хооронд бүтээгдэн кино театрт нээлтээ хийсэн “Ларьдма”, “Зэрлэг цэцэгсийн хүрээлэн”, “Үргээлэг,” Луйвар”, “Үхэл амьдралын заагт”, “Хязгааргүй”, “Шарга даага”, “The call”, “Хоёулаа унтах уу”, Хунгийн сүүлчийн дуу”, “Үхлийн симфони”, “Тал нутгийн баяцхан эгч дүү хоёр” зэрэг 12 бүрэн хэмжээний кино, таьван богино хэмжээний кино, 7 баримтат кино тус тус өрсөлдсөн юм.
Наадмын ёслолын арга хэмжээнд нэр дэвшсэн кино байгийнхан бүрэн бүрэлдэхүүнээрээ оролцсон бөгөөд УИХ-ын зарим гишүүд, ССАЖЯ-ны удирдлагууд, кино урлагийн нэрт уран бүтээлчид, тайз дэлгэцийн сор болсон одод хуран чуулж, шилдгүүдээ хамтдаа өлгийдөн авлаа.
Энэхүү кино наадмыг зохион байгуулах нь Монгол улсад шинээр дэлгэцнээ тавигдаж байгаа кинонуудын олонд түгээх, сурталчилах, гадаад зах зээлд гаргах, уран сайхны, баримтат, богино хэмжээний киног бртгэлжүүлэх мөн шилдэг уран бүтээлчдийг тодруулж алдаршуулах зорилготой юм.
“Academy Awards Mongolia-2014” кино наадмын шилдгүүдийг танилцуулья
- “Шилдэг нүүр будалт” – “Ларьдма” кино, make- up artist Б. Шүрэнчимэг
- “Шилдэг дууны найруулагч” – “Үргээлэг” кино, дууны найруулагч С. Нэргүй
- “Шилдэг дуу” – “Хунгийн сүүлчийн дуу” кино, Гавьяат жүжигчин, дуучин Т.Ариунаа
- “Шилдэг хөгжим” – “Үргээлэг” кино, хөгжмийн зохиолч, Соёлын тэргүүний ажилтан Б. Одбаяр
- “Шилдэг туслах дүрийн эмэгтэй” – “Зэрлэг цэцэгсийн хүлэмж” киноны Жоохноогын дүрээр Соёлын тэргүүний ажилтан, “Хувьсал” продакшны жүжигчин А.Ганчимэг
- “Шилдэг туслах эрэгтэй дүр” – “Үргээлэг” киноны Тогтохын дүрээр ДБЭТ-ын жүжигчин, Соёлын тэргүүний ажилтан С.Болд-Эрдэнэ
- “Шилдэг зураглаач” – “Луйвар” кино, зураглаач Ц.Энхцогт
- “Шилдэг зураач” – “Хязгааргүй” кино, зураач Ш.Тэгшбаяр
- “Шилдэг монтаж” – “Луйвар” кино, мантажчин Э.Энхтулга
- “Шилдэг хөрөнгө оруулагч” “Зэрлэг цэцэгсийн хүлэмж” “Алтай констракшн” ХХК
- “Шилдэг зохиол” “Шарга даага” киноны О.Сундуй
- “Шилдэг найруулагч” – “Үргээлэг” кино, найруулагч Ж.Сэнгэдорж
- “Шилдэг эмэгтэй гол дүр” – “Зэрлэг цэцэгсийн хүлэмж” кино, Цогзолмаагын дүрээр Гавьяат жүжигчин У.Уранчимэг
- “Шилдэг эрэгтэй гол дүр” – “Үргээлэг” киноны Гарьдын дүрээр Соёлын тэргүүний ажитан, жүжигчин Б.Амарсайхан
- “Шилдэг богино хэмжээний кино” – “Step” кино, найруулагч Б.Чингүүн
- “Шилдэг баримтат кино” – “Гэрээслэл” кино, Цэгц фильм
“Academy Awards Mongolia-2014” кино наадмын “Шилдгийн шилдэг кино” номинацийн эзнээр “Үргээлэг” кино багийн шалгарсан юм. тэд энэ удаагийн наадмаас шагналын хур буулган таван цомын эзэд боллоо.
Г.Даша
