“Миний хайр” киног “Single ladies” киног хийж байсан уран бүтээлчид хийсэн байна. Киноны гол дүрүүдэд жүжигчин Б. Баярмаа, Э. Мөнхтөр, Б. Билэгдэмбэрэл, П. Баярцэнгэл, Ш. Жавхлан, Ж. Мөнхзул нар тогложээ. Кино зохиолыг Ц. Золжаргал, А. Миеэгомбо нар бичсэн байна.
Киноны товч агуулгыг хүргэхэд: Гэр бүлийн амьдрал хайрт хосоос олон зүйлийг шаарддаг. Хүслэн, Заяа хоёр шиг гэрлээд удаагүй бол үл ойлголцол бүр ч их. Нэгэн удаагийн ялимгүй маргаанаас болж тэд хэрэлдэж, улмаар гэрээсээ явцгаан хэсэг хугацааг дотны найзуудынхаа зөвлөснөөр өнгөрүүлцгээнэ. Үүнд ганц бие найзууд нь болох Анужин, Хонгороо, Идэрээ, Жавхлан нараас гадна 10 жилийн өмнөх дурлал болох Даваа, Онон нар татагдан орсноор байдал улам бүр ярвигтай болж эхэлнэ. Хамгийн харамсалтай нь тусдаа байсан энэ өдөр хоногууд тэдний сэтгэлийн зовлонг улам бүр сэдрүүлэхээр барахгүй эцэстээ салалтаар дуусах нь тодорхой болох тэр үед тэдний эцэг эхчүүд хөндлөнгөөс орж ирснээр кино улам бүр сонирхолтой өрнөж эхэлнэ. Тэд салах болов уу, яах бол?
“Тэнгис” кино театрт өнөөдөр 18:00 цагаас Bondooloi Film –ийн бүтээл “Миний хайр” МУСК-ны нээлт болно.