Босоо ятга нь гурвалжиндуу хэлбэртэй бөгөөд ойролцоогоор 1 метр урттай нүүр тал нь хавтгай ар тал нь дугуйрсан хайрцаган цартай.Могойрхуу тахийсан гриф, хатуу модоор хийсэн тулуур багана, 46-48 чавхдас, долоон гишгүүрээс бүрдэнэ. Гишгүүрийг гишгэж бемоль, бекар, диез хагас тоннуудыг гаргана.
Янз бүрийн Арфа ятганууд Африк, Европ, Хойд болон Өмнөд Америк, Азид тархсан бөгөөд хамгийн эртнийх нь Шумерын үед хамаардаг.Испаны эзэнт гүрний үед Арфа цэцэглэн боловсронгуй болжээ.
Арфа босоо ятга анх таван октаваас бүрдэж байсан бөгөөд гишгүүргүй байх үед чавхдас ганцхан гамм өнгийг л дуугаргаж байв. 1720 онд Якоб Хохбрукер Арфа босоо ятганы гишгүүрийн төхөөрөмжийг бүтээжээ. Тэрээр Арфаг долоон гишгүүртэй болгосон бол 1810 онд Себастьен Эрар түүний төхөөрөмжийг боловсронгуй болгож хосолмол үүрэгтэй болгосноор орчин цагийн арфа ятга 1,7 м өндөр, дуугаралтын цар хүрээ 6,5 октав болжээ.
Ингээд та бүхэндээ нэгэн авъяаслаг бяцхан охины уянгалаг аязыг хүргэж байна.
www.URLAG.mn
