УИХ-ын гишүүн Ё.Отгонбаярын бичсэн Монгол орны тусгаар тогтнолын төлөөх тэмцлийг товчоолон өгүүлсэн цуврал бүтээлийнхээ эхний дэвтрийг өргөн барих “Талд ассан түймэр” номын нээлтээ хийхээр болжээ. Номын нээлт энэ сарын 20-нд “Интерном” номын дэлгүүрт болох аж.
Ё.Отгонбаяр гишүүн номынхоо талаар “Монгол Улсын маань тусгаар тогтнолын төлөө эцэг өвгөд, ихэс дээдсийн маань тэмцэл, ялалт, ялагдлын үнэн түүхийг өгүүлэхийг эрмэлзэхээс гадна олон улсын харилцаагаар мэргэжсэн хүний хувьд улсынхаа түүхийг тухайн үеийн дэлхийн улс орнуудын улс төрийн нөхцөл байдалтай холбон өгүүлэх хэрэгцээ байна гэж үзсэн билээ.
Түүх эргэн давтагддаг хэмээдэг. Энэ цагт бид Оюу толгой, Таван толгой гэх мэтийн ордууд, төмөр замын тухай маргалдан мэтгэлцэж буй үед ХХ зууны эхэнд мөн л яригдаж ирсэн “Монголор”-ын алтны уурхай, Дорнод Хятадын төмөр зам Монгол орны хувь заяанд ямархуу үүрэг гүйцэтгэснийг уншин эрэгцүүлж, нэгийг бодох нь бас чухал гэж бодсон юм” гэсэн байна.