Зураглаач Д.Ангараг өнгөрсөн гуравдугаар сард болсон 86 дахь удаагийн “Academy awards” наадмын бүх арга хэмжээнд оролцсон бөгөөд Холливүдын нэгэн кинонд продюсер, зургийн найруулагчаар ажиллахаар болжээ.
Тэрээр өнгөрсөн оны аравдугаар сард мэргэжлийн кино зураглаачдын сургалт, семинарт Америкийн кино зураглаачдын холбооны урилгаар оролцож байсан. Энэ үеэр “Precious” киноны төсөл дээр ажиллахаар болсон байна. Д.Ангараг "Миний хөрш чөтгөр”, “Бодлын хулгайч”, “Дэв” зэрэг кинонд ажиллаж байсан туршлага, ур чадвартай зураглаач юм.
Дашрамд дуулгахад, саяхан МУСТА жүжигчин Б.Амарсайхан Холливүдэд хүрч анхны уран бүтээлдээ тоглоод эх орондоо ирсэн билээ. Тэгвэл дэлхийн кино урлагийг зорих монголын уран бүтээлч зураглаач Д.Ангараг үргэлжүүлэх нь ээ.
