“Meta” корпорацыг хамтран үүсгэн байгуулагч Марк Цукерберг, түүний эхнэр Присцилла Чан нар “тэрбумтнуудын бункер” гэж нэрлэгддэг Индиан-Крик хиймэл арал дээр 170 сая ам.доллароор тансаг харш худалдан авсан тухай “Bloomberg” агентлаг мэдээлжээ.
“Одоогийн байдлаар энэ нь Майами хотын түүхэн дэх хамгийн их үнийн дүнтэй хэлцэл юм. Бусад үл хөдлөх хөрөнгийн объект, зах зээлийн саналуудаас харахад 100 сая ам.доллороос дээш үнийн дүнтэй олон гэрээ хэлцэл хийгддэг хэдий ч энэ бол онцгой хэлцэл гэж бодож байна” гэж тус агентлагийн эх сурвалж болох үл хөдлөх хөрөнгийн борлуулагчид ярьжээ.
АНУ-ын Флорида муж улсын өмнөд хэсгийн Майами-Дейд тойрогт 120 га талбай эзлэн орших Индиан-Крик арлыг XX зууны эхээр байгуулжээ. Уг арал дээр мөн Amazon-ыг хамтран үүсгэн байгуулагч Жефф Безос, АНУ-ын Ерөнхийлөгчийн хүргэн Жадер Кушнер, санхүүч Карл Айкан зэрэг алдартнууд үл хөдлөх хөрөнгө эзэмшдэг байна.
