Амралтын өдрүүдээр агаар салинд гарахдаа хоол унд, согтууруулах ундааг зөв зохистой хэрэглэвэл найз нөхөдтэйгээ агаар салхинд гаръя гэсэн зорилго чинь бүтлээ гэсэн үг. Тэгвэл ямар дарс авч явж, хачирт нь юу хэрэглэх вэ?
Ямар дарс сонгох вэ? Ямар ч хамаагүй дарс ууна гэж бодож байвал эрүүл мэнддээ хайнга хандаж байна шүү. Гэхдээ олон жил дарсан, онцгой гэсэн дарснуудыг арай өөр албан ёсны арга хэмжээнд хэрэглээрэй. Харин агаар салхинд гарахдаа хөнгөн, хүчиллэг дарс сонгоорой. Өөрөөр хэлбэл, зун болгон жинхэнэ хит болдог шарсан маханд мальбек, каберне совиньон, шираз, пинотаж, мерло дарснууд зохимжтой. Харин тахиа, загасны маханд рислинг, совиньон блан, алиготе, ркацители, шардоне, шенен блан, семильон дарснуудыг уувал зүгээр.
Дарс уугаад хэрхэн согтохгүй байх вэ? Аль болохоор их хэмжээний нарийн ногоо, амтлагч, жимс жимсгэнэ байх ёстой. Учир нь ургамлын гаралтай бүтээгдэхүүнүүд нь согтууруулах ундааны мансууруулах чанарыг бууруулдаг юм байна.
Тэгвэл юу идэх вэ? Дарсанд агуулагдах алимны, салицилийн хүчил нь хүнсний протеинуудыг буюу мах, загасны уургийг шингээхэд нөлөөтэй. Тиймээс, шорлог, шарсан тахиа, загасыг дарсны хамт хэрэглэвэл зохимжтой.
Дарсыг хадгалах халууны хэмийн горимыг анхнаас нь сайн бодолцох хэрэгтэй тул урьдчилаад аяны хөргөгч, мөс зэргийг бэлдээрэй.
Дашрамд: согтууруулах ундаа хоолыг дагалдана уу гэхээс, үндсэн “хоол” нь болох ёсгүй шүү.
Дарс ямар ашиг тустай вэ? Олон жил хадгалсан дарсыг бодвол шинэхэн дарсанд анагаах увдис илүү их байдаг гэнэ. Дарсыг шинэ барьсан талхаар хачирлаад үзээрэй. Эрт дээр үеийн европын эмч нар дарсыг талхтай хослуулснаар нүдний хараа хурц болдгийг ажигласан байна.
Нэмж хэлэхэд: Оргилуун дарснууд нь ил гал дээр шарсан улаан махтай зохицдоггүй. Тиймээс, эрүүл мэндээ бодож байгаа бол оргилуун дарсыг аперитив (хоолны өмнө) эсвэл дижестив (хоолны дараа) жимс, жимсгэнэ, бяслагны хамт хэрэглээрэй.
www.URLAG.mn
