Хэтийдсэн гоо үзэсгэлэн, тачаадсан харцгүй өөрийгөө
Хайрын өмнө л цэнхэр сувд шиг үнэтэйд тооцдог би
Хүсэл тачаал, халамж энхрийлэл, итгэл найдвараа үнэгүйдүүлсэн
Нууц амрагийн дүрд тохирох болов уу?…
Хэтийдсэн гоо үзэсгэлэн, тачаадсан харцгүй өөрийгөө
Хайрын өмнө л цэнхэр сувд шиг үнэтэйд тооцдог би
Хүсэл тачаал, халамж энхрийлэл, итгэл найдвараа үнэгүйдүүлсэн
Нууц амрагийн дүрд тохирох болов уу?
Үүдэн дээрээ хайрыг чинь үүрийн цолмон шиг аргамжчихаад
Үхлээс чинь бусдыг өөртөө эзэмших шунал минь
Булбрайхан инээд, ухаалаг харц, галбирлаг сэтгэлийг чинь
Бүсгүй хүнтэй хуваалцахыг тэвчих болов уу?
Сарны сонютын эхний нот солгой эгшиглэх бүрт
Санаа алдалт цээжийг минь зүсдэг ч гэлээ
Гагцхүү чамайг л жин үдийн нар шиг төөнөх харц минь
Галгүй жаргалын эзэнгүй болзоонд ганцаардах болов уу?
Өнгөт усан дуслуудаа өөрөөсөө хүртэл нууж асгаруулдаг ч
Өрөөлийн харцнаас хайраа л бултуулж чаддаггүй надад
Өнцөг булан бараадаж, хүн бүрийн нүд хариулсан
Өнгөцхөн учрал жаргал авчрах болов уу?
Дэгжин нүд, хээнцэр төрх, нялуун үгст
Дэнчин тавиад зүрхээ илбэдүүлчихсэн
Навчин уруулт, салхин явдалт нэгэн эрийн
Нууц амрагийн дүр надад зохих болов уу?
www.URLAG.mn
