Үндэсний дуу бүжгийн эрдмийн чуулгаас Үндэсний их баяр наадам, ардын хувьсгалын 93 жилийн ойд зориулан тоглолт хийхээр болжээ.
“Дэлхийд гайхагдсан монгол урлаг” нэртэй уг тоглолт энэ сарын 5-наас 15-ны хооронд монголын бахархалт үндэсний урлагийн шилдэг үзүүлбэрүүдийг багтааж, шинэчилсэн зохиомжит хөтөлбөрөөр тоглох аж.
Тоглолтонд зууны манлай бүжиг дэглээч Ц.Сэвжидийн нэрэмжит 62 бүжигчин, Үндэсний хөгжмийн их найрлын 53 хөгжимчин, АЖ Д.Самбуу, МУГЖ Л.Чулуунчимэг МУГЖ С.Эрдэнэцэцэг, МУГЖ Н.Амгалан, МУГЖ Д.Ширмэнтуяа, СТА Б.Батмэнд, СТА Д.Амаржаргал, СТА С.Цогтсайхан нараас бүрдсэн 20 дуучин нийт 135 уран бүтээлчид оролцон тоглох юм.
Дашрамд дуулгахад, Үндэсний дуу бүжгийн эрдмийн чуулга өнгөрсөн сарын 15-наас “Монгол урлагийн гайхамшиг” зуны улирлын тоглолтоо өдөр бүр 18:00 цагаас тоглож байна.