Д.Нацагдоржийн нэрэмжит Улсын драмын эрдмийн театр болон ОХУ-ын Буриад улсын Хоц Намсараевын нэрэмжит Буриадын академик драмын театруудын 2026 оны хамтын ажиллагааны хүрээнд А.С.Пушкины “Евгений Онегин” зохиолоос сэдэвлэсэн “Татьяна” жүжгийг бүтээнэ.
“Татьяна” жүжгийн гол дүрүүдэд болох Евгений Онегины дүрийг жүжигчин Т.Сэргэлэн, Татьянагийн дүрийг жүжигчин Б.Золзаяа нар бүтээхээр болжээ.
Энэхүү хамтарсан бүтээлийн нээлт 2026 оны зургаадугаар сард ОХУ-ын Буриад улсын Хоца Намсараевын нэрэмжит Буриадын академик драмын театрын тайзнаа болох юм. Тус уран бүтээлд оролцох уран бүтээлчдийн бүрэлдэхүүн дөрөвдүгээр сарын 3-ны өдөр ОХУ-ыг зорихоор бэлтгэл ажлаа хангаад буй аж.
Монгол, Буриадын театрын уран бүтээлчдийн хамтын ажиллагааг бэхжүүлэх энэхүү төсөл нь сонгодог зохиолыг орчин үеийн тайзны хэлээр шинэчлэн хүргэх онцгой ач холбогдолтой юм.
