Булган аймгийн Хишиг-Өндөр сумын төвөөс баруун урагш 40 км-т Шивээ уулын орой дээр чулуу тоосгоор барьж барьсан 4х6 хэмжээтэй харуулын цонж бий.
Шивээ уулын орой дахь энэ цонжоос дөрвөн зүгт 300 км газар илхэн харагддаг байна.
Үүнийг Дашинчилэн сумын нутагт Чин толгойн хэрмээс зүүн хойшоо 20 гаруй километрт Халдунзүрх уулын энгэр Туул голын хөндийд оршдог Цогт хунтайжийн цагаан ордны холын харуулын цонж байсан хэмээдэг.
Цонжтой ойрхон нам дор Овон довон хэмээх газар Цогт хун тайжийн цэргийн хуарангийн гал тогоо байсан бөгөөд тэндээс домботой цайг бариад давхихад хөрөхийн зуургүй харуулын цонжид хүргэдэг байсан хурдан шарга морины тухай олон домог түүх ч байдаг.
Булган аймаг нь эртний монгол туургатны өлгий нутаг бөгөөд Шивээгийн харуул нь нутаг дэвсгэрийн бүрэн бүтэн байдлыг хамгаалсан харуулын тогтолцооны нэг хэсэг нь өнөөг хүртэл түүхийн баримтаар хадгалагдан үлджээ.
