“Намайг дагуулаад яваач” драмын жүжиг өдөр бүр үзэгчдийн хүртээл болж байна. Энэхүү жүжгийн продюсероор Б.Одончимэг, ерөнхий найруулагчаар Екатерина Шихова ажиллажээ. Жүжгийн дүрүүдэд жүжигчин Б.Одончимэг, “Х-ТҮЦ” продакшны жүжигчин Т.Бархүү, жүжигчин Ж.Амарзаяа, Т.Энэрэл, Т.Дашсурмаа, “Фантастик” продакшны жүжигчин Э.Алдар, “Gangbay” хамтлагийн гишүүн, жүжигчин Baynaa буюу С.Баянмөнх нар тоглож байна.
Тус уран бүтээлийг үзэх ТАВАН шалтгааныг хүргэе.
1. “Таван үдэш” жүжиг Английн “Broadway” театрт тоглогдож байсан:
“Намайг дагуулаад яваач” драмын жүжиг нь Александр Володины “Таван үдэш” жүжгээс сэдэвлэн бүтээгдсэн юм. “Таван үдэш” жүжиг нь 2025 онд “Broadway” театрт тоглогдож байсан бөгөөд Александр Володины хамгийн алдартай зохиол юм. “Таван үдэш” зохиол нь өнөөг хүртэл дэлхийн маш олон тайзнаа тоглогдсоор байгаа бөгөөд кино хэлбэрээр ч гарж байсан удаатай.
2. “Таван үдэш” жүжгийн зохиолыг зохиолч өөрийн бодит амьдралаас сэдэвлэн бүтээсэн:
Зарим судлаачид зохиолчийг “Таван үдэш” жүжгийн Ильиний дүрээр дамжуулан өөрийн амьдралын үзэл бодол, сэтгэл гутрал ганцаардал, өөрийн хүрч чадаагүй хүсэл харуусал болон хайрын талаарх мэдрэмжээ хуваалцсан гэж хэлэлцдэг.
3. “Намайг дагуулаад яваач” драмын жүжгийн чадварлаг жүжигчдийн бүрэлдэхүүн:
Жүжигчдийн бүрэлдэхүүнд “Донна” фильмийн үүсгэн байгуулагч Б.Одончимэг, “X-ТҮЦ” продакшны жүжигчин Т.Бархүү, “Фантастик” продакшны жүжигчин Э.Алдар, “Blackbox” театрын жүжигчин Ж.Амарзаяа, жүжигчин Т.Энэрэл, “Gangbay” хамтлагийн дуучин, жүжигчин С.Баянмөнх болон жүжигчин Т.Дашсурмаа нар нь ажиллаж байгаа юм.
4.“Намайг дагуулаад яваач” драмын жүжгийн найруулагчаар Екатерина Шихова хэмээх орос найруулагч ажиллажээ. Екатерина Шихова нь Санкт-Петербург хотын Театрын академийг 2023 онд төгссөн, шинэ үеийн авьяаслаг залуу найруулагч бөгөөд 30 гаруй тайзны бүтээлийг найруулан туурвисан туршлагатай, үзэсгэлэнтэй, залуу уран бүтээлч юм.
5. “Намайг дагуулаад яваач” драмын жүжгийн үзсэнээр хүн бүр өөрийгөө олж харах болно:
Хүлээсэн үү?
Алдсан уу?
Хайрынхаа төлөө үйлдэл хийсэн үү? эсвэл дахин эхлэх үү гэдэг асуултууд танд тулгарна. Та энэхүү жүжгийн үзээд өнгөрсөндөө өөр рүүгээ өнгийх болно.
Өнгөрснөө хүлээн зөвшөөрөх үү? Эсвэл дахин алдах уу?
