Ховд аймгийн Хөгжимт драмын театрын уран бүтээлчид “Галдан бошгот хаан” дуулалт жүжгийг тайзнаа тавьжээ. Уг дуулалт жүжгийг “Галдан бошгот хаан” мэндэлсний 370 жилийн ойд зориулж үзэгчдийн хүртээл болгосон байна. Найруулагчаар Ардын жүжигчин Б.Мөнхдорж ажилласан бөгөөд 17 хүний бүрэлдэхүүнтэй зөвлөх баг ажиллажээ. Дуулалт жүжиг энэ сарын 21-27-ны өдрүүдэд Ховд аймгийн хөгжимт драмын театрын тайзнаа тоглогдох юм.
