Өнгөрсөн долоо хоногт инстаграм “их цэвэрлэгээ” хийж, дэлхий даяарх хуурамч хаягууд болон нэг жилээс дээш хугацаанд нэвтэрч ороогүй хаягуудыг устгажээ.
Үүний улмаас инстаграм платформд олон сая дагагчтай одод их хэмжээний дагагчаа алдсан байна. Тодруулбал, сошиал од Кайли Женнер 14 сая, дуучин Билли Айлиш 11 сая, “Blackpink” хамтлаг 10 сая, Канадын дуучин Жастин Бибер 8 сая, BTS хамтлаг 7 сая, дуучин Селена Гомез 6 сая гэх зэргээр дэлхийн томоохон оддын дагагчид хасагдсан аж.
