BTS хамтлагийн Suga АНУ-д болсон тоглолтынхоо өмнө Сан-Францискогийн алдарт “Bay to Breakers” марафонд оролцож, фэнүүдээ гайхшрууллаа. Тэрбээр тавдугаар сарын 17-нд болсон 12 км-ийн гүйлтийг амжилттай дуусгаж, оролцогчдын шилдэг таван хувьд багтсан байна.
“San Francisco Chronicle”-ийн мэдээлснээр Suga “Bay to Breakers” марафонд 1 цаг 4 минут 43 секундийн амжилт үзүүлжээ. Түүний дундаж хурд нэг мильд 8 минут 41 секунд байсан байна.
“Bay to Breakers” нь Сан-Францискогийн хамгийн алдартай холын зайн гүйлтийн нэг бөгөөд 1912 оноос зохион байгуулагдаж эхэлсэн. Энэхүү марафоны 12 км-ийн маршрут нь хотын огцом өгсүүр зам, төвөгтэй газар нутгаар дамждагаараа алдартай.
Энэ удаагийн марафорнд нийт 20,530 оролцогч оролцсоноос Suga 1,022 дугаар байрт орсон бөгөөд энэ нь түүнийг шилдэг 5 хувийн гүйгчдийн тоонд багтаажээ.
Фэнүүдийг бүр ч их гайхшруулсан зүйл нь тэрdээр марафоноо дуусгасныхаа дараа тэр оройдоо “Stanford Stadium”-д болсон BTS хамтлагийнхаа тоглолтод оролцсон явдал байв.
