Канадын Альберта мужийн Девон хотоос гаралтай “Монгол” нэртэй Канад хамтлаг хөгжмийн ертөнцөд хүчээ авч байгаа гэнэ. Тус хамтлаг Монголын эзэнт гүрний түүх соёлыг магтан дуулж, монгол хувцсаар гангардаг бөгөөд 2009 онд анх байгуулагджээ. Анхны дебют цомгоо “Алтан ураг” нэртэйгээр 2012 онд гаргаж байжээ.
Хамтлагийн гишүүдийн уран бүтээлийн нэрс:
Дуучин: Тив Тэнгэр
Вокал дуучин, ритм гитарчин: Зэлмэ
Гоцлол гитарчин: Зэв
Басс хөгжимчин: Сорхон шар
Ардын хөгжимчин: Шихи
Бөмбөрчин: Боорчи хэмээн тус тус нэрлэснээрээ олны анхаарлыг ихэд татах болжээ.
Сонирхуулахад “Noise” продакшнаас зохион байгуулж буй “Noise Metal Fest-2014” амьд хөгжмийн олон улсын наадамд "Монгол" хамтлаг оролцохоо мэдэгджээ. Энэхүү наадам нь энэ сарын 23-нд "Улаанбаатар паласт" болох бөгөөд Монголын 13 хамтлаг, Канад, ӨМӨЗО-оос мөн уран бүтээлчид хүрэлцэн ирэхээр бүртгүүлсэн байна. .
Ингээд та бүхэндээ хүнд металл хөгжмийг Азийн сонгодог хөгжмийн зэвсгүүдтэй хослуулан уран бүтээлээ туурвидаг “Монгол” хамтлагийн уран бүтээлээс хүргэж байна.
www.URLAG.mn
