Аргентины хөлбөмбөгчин Лионел Месси албан ёсоор тэрбумтан болжээ. Блүүмбэрг агентлагийн мэдээлснээр, түүний нийт хөрөнгө 1 тэрбум ам.доллароос давсан байна. Лионел Месси 2007 оноос хойш цалин, шагнал болон ивээн тэтгэгчдийн гэрээнээс 700 сая гаруй доллар олжээ. Тэрбээр Криштиану Роналдугийн дараах хоёр дахь “тэрбумтан хөлбөмбөгчин” боллоо.
2022 оны ДАШТ-д түрүүлсний дараа Лионел Месси Саудын Арабын багаас ирсэн 400 сая долларын саналаас татгалзаж, “Интер Майами”-д нэгдсэн юм. Түүнийг багт ирснээр “Интер Майами”-гийн үнэлгээ өсөж, Apple TV-ийн MLS Season Pass үйлчилгээний захиалагчдын тоо ч эрс нэмэгджээ.
