Монголын уран сайхны "Цэн тогоруу" кино ирэх есдүгээр сарын 12-нд нээлтээ хийхээр болсон. Тус кино нь МУГЖ Н.Батцэцэг, найруулагч О.Машбат нарын хүү, залуу найруулагч М.Ивээлийн анхны бүтээл юм.
“Цэн тогоруу” кинонд залуусын баяр гуниг, гэгээн мөрөөдөл, хүсэл хясал, гэмшил бахархал, хайр энэрэл бүхнийг үйл явдлуудаар холбон харуулжээ. Киноны дүрүүдэд залуу жүжигчин Э.Идэрболд, Б.Оюун-Эрдэнэ, Б.Жүрмэддорж, Б.Баянмөнх, Б.Гарьд болон дэлгэцийн “акулууд” АЖ Д.Мэндбаяр, МУГЖ Н.Батцэцэг, МУГЖ Д.Гүрсэд, МУГЖ Б.Магсаржав, МУГЖ Н.Нэргүйбаатар, СТА У.Батбаатар нарын олон жүжигчин тоглосон байна. "Цэн тогоруу" киноны дууны үгийг Төрийн шагналт яруу найрагч Ц.Бавуудорж бичсэн бөгөөд залуу дуучин П.Идэржавхлан үзэгч сонсогчдын хүртээл болгосон юм. Киноны зураг авалтыг Архангай аймгийн Батцэнгэл суманд хийжээ.
Дэлгэцнээ, хурц сонин үйл явдлуудаар холбогдсон сэтгэл хөдлөм хайрын түүхийг үзүүлэхдээ жинхэнэ монгол ахуйг сонгон, зураг авалтаа зуун хувь гар дээрээс авсан байна. Ингэхдээ залуусын халуухан сексийн хэсгийг ч залуу найруулагч маань анхны кинондоо багтаажээ.
www.URLAG.mn