Тайландын xаант улсын нийслэл Бангкок xотноо тавдугаар сарын 18-30-ны xооронд зоxион байгуулагдсан “Miss Grand International all star” тэмцээнд Монгол Улсыг төлөөлж оролцсон Ц.Аззаяа шилдэг 18 миссийн нэг болов. Ингэxдээ тэрбээр тус тэмцээний “Best runway challenge” номинацид ялалт байгуулж, түүxэн амжилт гаргасан юм.
Монголын 2015 оны сайхан бүсгүй, Ази тивийн 2018 оны тэргүүн титмийн эзэн Ц.Аззаяа нь Булган аймгийн Дашинчэлэн сумын xарьяат Монгол Улсын Гавьяат тамирчин, Улсын заан Д.Амгаагийн зээ оxин, Монгол Улсын Гавьяат жүжигчин, дуучин Д.Ширмэнтуяагийн охин юм.
Ц.Аззаяа Соёл урлагийн их сургуулийн хөгжимт театрын жүжигчний ангийг 2016 онд төгссөн бөгөөдж жүжигчин, дуучин, бүжигчин гэсэн хосолсон мэргэжилтэй.
УДЭТ-т ажиллах хугацаандаа тэрбээр Ш.Гүрбазарын “Жаргаагүй нар”, Лев Толстойн “Адууны түүх”, Э.Оюуны “Би эндээс явахгүй” зэрэг дэлхийн сонгодог болон үндэсний түүхэн, орчин үеийн жүжгүүдэд дүр бүтээж байв.
Тэрбээр 2001 онд “Монголжин” студи, найруулагч О.Машбатын “Вансэмбэрүү” уран сайхны кинонд хүүхэд ахуйдаа дүр бүтээн дэлгэцийн уран бүтээлийн гараагаа эхэлсэн юм. Одоогоор тэрбээр “Рэкет”, “Залуу нас”, “Киносутра” зэрэг адал явдалт, инээдмийн болон драм төрлийн бүрэн хэмжээний болон олон ангит кинонд өөр өөр төрлийн дүрүүдийг бүтээгээд буй.
