Шуугиан таригч дуучин бүсгүй Лэди Гага дэлхий даяар өөрийн алдарт шоуг тавин аялж байгаа аж. Энэ өдрүүдэд тэрбээр Япон Улсад тоглож байгаа юм. Арлын улсад Гага өөрийн биеэр ирсэн нь шүтэн бишрэгчдийнх нь сэтгэлийг ихэд хөдөлгөв. Од бүсгүй хүний санаанд оромгүй хувцас өмсөж гайхшруулдаг бөгөөд Япон дахь тоглолт ч үүнээс хазайсангүй.
Нисэх онгоцны буудал дээр тэрбээр тороор хийсэн өөрийн нэвт гэрэлтдэг өмсгөлийг толилуулжээ. Од бүсгүйн нууцат газруудыг янз бүрийн хясаанууд халхалж байсан бөгөөд тод ягаан өнгийн “Artpop” гэдэг бичвэр дурайж байв. Түүний шинэ цомгийн нэр ийм билээ. Лэди Гага нисэх онгоцны буудал дээр ийм байдалтай гарч ирсэн нь шүтэн бишрэгчдийг нь алмайруулсан аж. Хамгаалагч нар нь түүнийг ойроос харж, гарын үсгийг нь авах гэсэн үй олон хүнийг дөнгөн данган торгоож чаджээ.
