“Монголын залуучуудын өдөр” наймдугаар сарын 25-нд буюу өнөөдөр тохиож байна. Энэ өдрийг баяр цэнгүүн гэж хүлээж авахаас илүүтэй залуучууд зорилгоо тодорхойлдог, алдаа оноогоо дүгнэж, тодорхой асуудал хөнддөг.
Гарц шийдэл ярилцдаг, нэгдэж сайн санааны үйлс хийдэг, бүтээдэг тийм л өдөр болгохоор хичээж буй талаар МЗХ-ноос мэдэгдсэн юм. Энэ жил тэд “Залуусаа нэгдье” уриан дор бүхий л үйл ажиллагаагаа зохион байгуулж байна. “Залуус бид нэгдэж хандиваар тусална”, Залуус бид нэгдэж сайн сайхан үйлсийг дэлгэрүүлнэ”, “Залуус бид нэгдэж хүний амийг аварна”, “Залуус нэгдэж оролцоно” гэсэн уриалгаар ажлуудаа зохион байгуулж байгаа юм.
