Монголын тайз, дэлгэцийн салбарт цоо шинэ нэгэн уран бүтээлийн нэгдэл шинэ давалгаа болон хүч түрэн орж ирсэн нь Уран бүтээлийн Чүрэ нэгдэл юм. Саяхан Чүрэ нэгдлийн нээлтийн хүндэтгэлийн үйл ажиллагаа болж өнгөрлөө.
Одоогоор ЧҮРЭ уран бүтээлийн нэгдэлд гурван үеийн 70 гаруй уран бүтээлчид нэгдээд байгаа юм байна. Залуу уран бүтээлчдийн санаачлагаар ахмад, дунд, залуу үеийн уран бүтээлчид нэгдэж Монголын тайз дэлгэцийн урлагийг шинэ түвшинд хүргэхээр сэтгэл шулуудсанаа нээлтийн үеэр залуус онцоллоо.
Гол онцлог нь тал бүрийн уран бүтээлчид нэгдэж байгаа гэдгээрээ давуу талтай. Тухайлбал сэтгүүлч, зураглаач, жүжигчин, дууны найруулагч, хөгжмийн зохиолч гэх мэтчилэн энэ салбарын бүх уран бүтээлчдийг багтаажээ. Бүгд салбартаа 10-аас дээш жил ажиллаж амжилт гаргаж яваа чадварлаг, хөдөлмөрч залуус гэдгээрээ давуу талтай. Цаашдаа энэ нэгдэлд нэгдэх хүсэлтэй уран бүтээлчдэд ЧҮРЭ нэгдлийн үүд хаалга нээлттэй гэнэ.
Ингэж нэгдсэнээр чанартай уран бүтээлийг олон талаас нь харж хөгжүүлснээр Монголын тайз дэлгэцийн урлаг дэлхийн түвшинд хүрэх боломжтой гэж залуус харж байгаагаа илэрхийллээ. ЧҮРЭ гэдэг нь одоогоос 1300-аад жилийн өмнө буюу 700 оны үед Алтай хэмээх ятга хөгжмийг тоглож байсан Монголын нэгэн баатарын нэр юм. Түүний тоглосон ятга хөгжимийн ая өндөр уулын орой давж үүлтэй тэнгэрийн доогуур яруу сайхан уянгалж тэнгэр газарыг холбодог байсан хэмээх домог ч байдаг юм байна. Тиймээс тэр олон жилийн өмнөх домог болсон хөгжимчин баатарын нэрээр нэгдлээ нэрэлжээ.
Нэгдлийн нээлтэд залуу уран бүтээлчдийн гарыг нь ганзганд, хөлийг нь дөрөөнд хүргэж өгсөн багш нар нь болох ардын жүжигчид хүрэлцэн иржээ. Тэрээр энэ үеэр ЧҮРЭ нэгдлийг санаачлагч зургаан залуу уран бүтээлч СТА хэмээх эрхэм хүндтэй цолоор энгэрээ мялаалаа. Тухайлбал 10 гаруй жил тасралтгүй тайз дэлгэцийн найруулагч хийж байгаа, загасан ОУ-ын наадмаас гранпри хүртэж Монголынхоо нэрийг гаргаж байсан найруулагч Ч. Мөнх-Эрдэнэ, жүжигчин Б.Анхбаяр, Б.Батсүх, Н.Аззаяа, зураглаач Б.Эдэнэбат болон 2003 оноос хойш ТВ5 телевизид 10 гаруй жил ажиллаж олон сайхан кино, нэвтрүүлэг хийж үзэгчдийнхээ мэлмийд хүргэж яваа зураглаач Мөнхбаатар нарын зургаан залуу уран бүтээлч багш нарынхаа гараас СТА-ны цол тэмдэг, батламжаа гардан авлаа. Түүнчлэн энэ үеэр нийгмийн ардчилал Монголын залуучуудын холбооны нэрэмжит шагнал болох Алтан-Од шагналаар мөн есөн залуу уран бүтээлч шагнагдсан юм.
www.URLAG.mn
