“Аймшигтай нүүдэл” уран сайхны киноны зураг авалтын нээлт өчигдөр (08.28) Зайсанд эхэллээ. Кино зохиолыг МҮОНТ-ийн зөвлөх найруулагч, кино найруулагч, Ардын жүжигчин, Нацагдоржийн шагналт Г.Жигжидсүрэн, яруу найрагч, Соёлын гавьяат зүтгэлтэн П.Батсайхан нар бичжээ.
Киноны ерөнхий найруулагчаар Г.Жигжидсүрэн, 2-р найруулагчаар А.Төгсбаяр, ерөнхий оператороор Ж.Отгондаваа ажиллаж байна. Кинонд Ардын жүжигчин П.Цэрэндагва, Төрийн шагналт Ц.Төмөрбаатар, сэтгүүлч, СГЗ Ш.Гүрбазар, СГЗ Ө.Нарангэрэл, СТА О.Бат-Ундрал болон бусад уран бүтээлчид оролцон тоглох аж. “Аймшигтай нүүдэл” киноны зураг авалт Завхан, Сэлэнгэ, Өмнөговь аймгуудад үргэлжилнэ. Кино ирэх оны хоёрдугаар сард дэлгэцэнд гарч үзэгчдийн хүртээл болох нь ээ.
Эх сурвалж: news.mn
