2026 оны 78 дахь удаагийн “Эмми”-гийн шагнал гардуулах ёслолын нэр дэвшигчдийг долдугаар сарын 8-нд албан ёсоор зарлалаа. Энэ жилийн шагналд олон шинэ бүтээл хүч түрэн орж ирсэн бөгөөд инээдмийн шилдэг эмэгтэй жүжигчний төрөлд телевизийн хоёр домогт жүжигчний өрсөлдөөн онцлох сэдэв болж байна.
Түүнчлэн “The Pitt” драм цуврал нийт 25 номинацид дэвшиж, энэ жилийн хамгийн олон нэр төрөлд нэг дэвшсэн бүтээл болов. “Hacks” инээдмийн цуврал 24 номинацид дэвшиж, инээдмийн төрлийн түүхэн дэх хамгийн өндөр амжилтуудын нэгийг тогтоосон бол “Widow’s Bay”, “Beef”, “The Diplomat”, “Only Murders in the Building”, “Abbott Elementary”, “Shrinking” зэрэг бүтээлүүд олон төрөлд нэр дэвшжээ.
Энэ жилийн шилдэг жүжигчний шагналын төлөө Зендая, Гэри Олдман, Ноа Уайли, Оскар Айзек, Клэр Дэйнс, Сара Снук, Лиза Кудроу, Квинта Брансон, Мартин Шорт, Кэри Маллиган зэрэг алдартай жүжигчин өрсөлдөх аж.
78 дахь удаагийн “Эмми”-гийн шагнал гардуулах ёслол ирэх есдүгээр сарын 14-нд АНУ-ын Лос Анжелес хотын “Peacock Theater”-т болно. Ёслолыг жүжигчин Маришка Харгитай хөтлөн явуулах бөгөөд NBC телевиз болон “Peacock” платформоор шууд дамжуулна.
Нэр дэвшсэн бүтээлүүдийн жагсаалтыг хүргэе.
Драмын шилдэг цуврал төрөлд:
- “The Pitt”
- “The Diplomat”
- “Slow Horses”
- “The Gilded Age”
- “Paradise”
- “Euphoria” болон бусад
Инээдмийн шилдэг цуврал төрөлд:
- “Hacks”
- “Abbott Elementary”
- “Only Murders in the Building”
- “Shrinking”
- “The Bear”
- “Widow’s Bay”
- “Margo’s Got Money Troubles”
Лимитед/Антолиги цуврал төрөлд:
- “Beef”
- “All Her Fault”
- “The Beast in Me”
- “Love Story: John F. Kennedy Jr. and Carolyn Bessette”
