Монгол, Орос, Солонгос гурван улсын хамтарсан “Мьюзикал Попс Концерт” болно

 Ирэх сарын 6-ны өдөр БНСУ-ын Сөүл хотын өндөр зэрэглэлийн тоглолтууд зохион байгуулдаг KBS телевизийн концертын их танхимд Монгол, Орос, Солонгос гурван улсын хамтарсан "Мьюзикал Попс Концерт" болох гэж байна.

Тоглолтонд ОХУ-ын Владивосток хотын хөгжмийн поп оркестр, нэрт дуучид, Монгол улсын Дуурь Бүжгийн Эрдмийн Театрын гоцлол дуучин М.Бат-Очир болон Солонгосын урлагийн төлөөлөгчид оролцох аж. Энэхүү хамтарсан концерт хуучнаар ЗСБНХУ-д Солонгос үндэстнүүдийг нүүлгэн суурьшуулсны 150 жилийн ой, Солонгосын үндэсний Чусокийн баярт зориулан зохион байгуулагдаж байгаа юм.